कामोठे हे महाराष्ट्राच्या रायगड जिल्ह्यातील एक गाव व सिडकोने वसवलेला नवी मुंबई शहराचा एक नोड आहे. कामोठे शहर सायन-पनवेल महामार्गानजीक पनवेल शहराच्या जवळ वसले असून ते प्रामुख्याने निवासी क्षेत्र आहे. मुंबई उपनगरी रेल्वे हार्बर मार्गावरील मानसरोवर रेल्वे स्थानक कामोठ्यामध्येच स्थित आहे. तसेच वाहतूकीसाठी बेस्ट व एन.एम.एम.टी. ह्या बस सेवांचे अनेक मार्ग उपलब्ध आहेत.