वाघबीळ नाचणटेपाची गुहा (guns of pachad)

पाचाडखिडींत रायगडाकडे तोडं ऊभे करुन ऊभे राहिले की मागे फक्त 05 मिनीटांच्या सोप्प्या चढाईवर हि एक मानवनिर्मित "अश्मयुगीन गुहा " आहे.
तीन तोंडे असणारी ही गुहा अश्मयुगातील एक अलंकार आहे. पुढिल अर्धगोलाकार मुखातुन बा रायगड अतिशय सुरेख दिसतो. संपुर्ण जगात अशा तीन तोंडे असणा-या फक्त दोनच गुहा आहेत.
1. गन्स ऑफ नेव्हरॉन ( युरोप )
2. वाघबीळ/नाचणटेपाची गुहा .

वाघबीळ : वाघाच्या डोळ्यासमान पाचाड गावाकडिल ह्याचे दोन भोके दिसतात .
नाचणटेपाची गुहा : शिवकालिन स्थानिक रहिवासी ह्या "टेपाडावर" कोकणी नाचणी धान्याचा साठा ठेवत असा एक समज .
गन्स ऑफ पाचाड : ईंग्रजांवर अधिक प्रेम करणा-या काही ट्रेक मंडळीनी युरोपियन धरतीवर दिलेले नाव .

ह्या गुहेतुन रायगडाचे रौद्रमयी दर्शन तर होतेच अन जोडीला कोकणदिवा, कावल्या-बावल्या, धानुचा डिग्गा न्याहळता येतो. एकाच वेळी राजधानी रायगड अन जिजाऊमासाहेंबांचे पाचाडकोट ह्यावर नजर ठेवता येत असल्याने शिवकालात येथे काही सैनिक तैनातीस असावे असा फक्त अंदाज व्यकत करता येतो.